أنا مش هقول أنا تاني

                                                                                                                                                                                          

أنا أنا أنا أنا


خلاص مفيش في الدنيا غير أنا

"دا اللي خرج الشيطان من الجنة قولة "أنا

"واللي ودا قارون في دهية قولة "أنا

"ولا فرعون لما أتكبر وبرده قال "أنا

يا نفسي ليه أنا, وأنتي عندك ربنا

يبقى ليه يا نفسي كل كلامك حوالين أنا

لو عايزه تنقذيها...بس شويه أنسيها

و عجبي =)

بقالي فترة بفكر أزاي حياتي بدور في فلك نفسي كده و أنا عارفة كويس أن دي اللي بتودي المهالك و لما كنت بسمع سورة الكهف أستغربت قوي بين أنا بتاعت اللي كفر بنعم ربنا و أنا بتاعت المؤمن

الأول

" وكان له ثمر فقال لصاحبه وهو يحاوره أنا أكثر منك مالا وأعز نفرا "

حاول كده تشيل ال "أنا" و قابلني لو فهمت حاجه

بص بقى للتاني : "إن ترني أنا أقل منك مالاً وولداً فعسى ربي أن يؤتيني خيراً من جنتك ويرسل عليهاحسباناً من السماء فتصبح صعيداً زلقاً أو يصبح ماؤها غوراً"

حاول تحزف أنا من هنا ولا أي فرق

عارفين ليه لأن واحد حياته و قلبه بيدور حول عرش الرحمن و التاني في البلالا ربنا يعفينا

في الأخر نصيحة (بتأكد معلومة واحدة بس و أن فاقد الشيء بيعطيه عادي يعني :) ) : أوعى تخلي حياتك حول نفسك فقط و ألا ستهلك ملهاش حل تاني و الدليل الشيطان اللي حلف بعزة الله أنه مش هيسيب موضع في السماء غير و يسجد فيه لله عز و جل و بعدين عمل أي :حس بنفسه و قالك أنا خيراً منه  يا فرحتي